IKEA vs Osram
Ég kaupi yfirleitt Osram perur. Mín tilfinning er að það séu bestu perurnar. Held að flestir hafi þá ímynd af Osram. Enda kosta Osram perur skildinginn. Sá þær á tilboði í Húsasmiðjunni í dag, 10 E27 60w perur á 1.450,- kr. Eru eitthvað ódýrari í Bónus, sennilega um 600,- til 800,- kr 10 Osram perur saman í pakka.
Þá kemur IKEA til sögunnar… Þar er hægt að fá 10 IKEA perur, E27 60w á 295,-. Þú hugsar eflaust eins og ég… “æ, þetta er nú ódýrt þannig að það er í lagi að kaupa það þó þetta sé sennilega ekki jafn gott og Osram”.
Ég var að skipta um Osram peru sem var sprungin hér heima og uppgötvaði þá nokkuð merkilegt. Osram og IKEA peran eru nákvæmlega eins. Nákvæmlega (fyrir utan nafnið að sjálfsögðu). Er nokkur ástæða til að kaupa Osram aftur? Mér finnst óþarfi að borga tvö eða þrefalt fyrir sama hlutinn af því að það er annað merki (brand) á honum.
Hægt er að smella á myndina fyrir stærri útgáfu.
Popularity: 6% [?]
