Að vera ekki innfæddur Kópavogsbúi
Það er fyndið að búa í Kópavogi en vera samt ekki Kópavogsbúi. Eða amk ekki þannig Kópavogsbúi að ég skilji “lingóið” sem Kópavogsbúar nota.
Búandi í Kópavogi, reyndar í algjörum jaðri í Hvörfunum sem bæjarfélagið virðist varla telja með í Kópavog, þá fær maður bæklinga og sneppla sem auglýsa hinar og þessar skemmtanir hingað og þangað í bæjarfélaginu (lesist fyrir vestan Reykjanesbraut) á stöðum sem innfæddir Kópavogsbúar eiga að vita hvar eru en ég hef ekki hugmynd um hvar eru.
Ég komst að því á 17. júní sl., eftir að hafa búið í 3 1/2 ár í Kópavogi, hvar Rútstún er, en það er semsagt grasbalið við sundlaug Kópavogs í Kársnesi.
Í hólfinu í leikskólanum hjá Almari er auglýsing um einhverja jólaskemmtun sem fer fram á Hálsatorgi. Engar skýringar eru á hvar eða hvað Hálsatorg er. Bara sagt á Hálsatorgi. Hvernig á aðfluttur Kópavogsbúi að vita hvar Hálsatorg er??
Popularity: 5% [?]
Nákvæmlega það sem ég hugsaði þegar ég sá þessa auglýsingu. Og ég er ekki ennþá búin að finna út úr því hvar þetta er.
Ég er nú búin að búa í Kópavogi síðan ég var þriggja ára og ég hef aldrei heyrt um þetta torg. Hlýtur að vera einhver nýr staður.
þetta er nýja torgið á milli Byr sparisjóðs og Landsbanka/heilsugæslunnar sem var byggt yfir gjánna. Allir bestu staðirnir í Kópavogi eru í og við Kársnesið
bara spyrja frænku 
kv. Hanna