Lokasprettur
Er núna á loka-lokaspretti í skólanum. Síðasta prófið á föstudag kl 14 og skil á ritgerðinni á mánudag.
Það er því nóg að gera hjá mér -og okkur öllum í fjölskyldunni- við að láta þetta allt ganga upp og púsla dögunum saman.
Leiðbeinandinn stakk af til Belize í S-Ameríku í 11 daga og skildi mig eftir hálf umkomulausan á meðan með ritgerðina. Ég gerði allt sem ég taldi að ég ætti að gera á þeim tíma en var svo orðinn stopp og klukkan tikkaði. Leiðbeinandinn kom heim á mánudagskvöldið, las yfir ritgerðina mína í gærmorgun og ég fékk nóg af nýjum verkefnum að kljást við, en þá var ég kominn í tímaþröng því lögfræðiprófið er eftir aðeins 2 daga. Ég vann aðeins í ritgerðinni í morgun, sendi hana á leiðbeinandann og einbeiti mér núna að því að læra fyrir lögfræðina. Ritgerðin verður að bíða fram á föstudag kl 17. Það verður svo allt kapp lagt á að klára fyrir sunnudag þannig að grænt ljós fáist á sunnudagskvöld fyrir prentun. Krossa fingur að það gangi eftir.
Popularity: 4% [?]
