Við fórum Vestur á firði í síðustu viku,  stoppuðum í Bolungarvík hjá tengdó í 2 daga og fórum svo á ættarmót á Núpi í Dýrafirði.

Áður en við fórum Vestur vorum við búin að biðja tengdó um að vera með Frank Gabríel hjá sér þessa vikuna, leyfa honum að eiga gæðatíma með ömmu og afa fyrir Vestan og auðvitað öllu frændfólkinu þar. Tókum hjólið með fyrir hann til að hann gæti hjólað og leikið í Víkinni.

Hann er búinn að vera í endalausum ævintýrum með afa og ömmu, fór á sjóinn með afa að veiða í soðið, fór á hestbak með Valda afa-bróður, fékk að taka á móti nýja hundinum hjá Gunna og krökkunum, búinn að læra að klifra upp á leikskólann og fleira.

Tengdó ætluðu að koma suður á föstudag, leggja af stað annað kvöld og koma í bæinn snemma á föstudag. Í kvöld hringdu þau svo og spurðu hvort Frank mætti vera lengur fyrir Vestan. Þau breyttu sínum ferðaplönum og ætla ekki að koma fyrr en á sunnudag. Við Ösp sitjum hérna voða sorrí yfir því að fá ekki púkann okkar heim fyrr en á sunnudag, en huggum okkur við að hann skemmtir sér vel með ömmu og afa.

Popularity: 37% [?]